اصلاح الاراضى القلوية

الاراضى القلوية تعتمد اساسا على كيفية تخفيض الصوديوم من على معقد التبادل بالنسبة لهذة الاراضى

هتقللولى الكلام صعب ومش فاهمين حاجة

ماشى يعنى اية معقد التبادل معقد التبادل دا هو الجزء من حبيبة الطين اللى بيكون مدمص علية الكاتيونات وبالنسبة احالة الاراضى القلوية بيكون نسبة الصوديوم الى باقى الكاتيونات نسبة عاليةوبتكون اعلى من15%والنسبة دى تسمى esp ونعتمد فى عملية استصلاح هذة الاراضى على كيفية نخفيض هذة النسبة

نعمل اية مفيش حل غير ان احنا نحاول نطرد الصوديوم من معقد التبادل

نطرد الصوديوم ازاى نجيب كاتيون اقوى منة وهو يطردة ويكون الكاتيون دة مفيد للارض وبيحسن من خواصها وبالتالى يبقى احنا بنتكلم عن الكالسيوم ودة طبعاهيحسن من نفاذية الارض وهيزيد من تيسر العناصر

هنجيب الكالسيوم منين وجد ان احسن مصدر للكالسيوم هو الجبس الزراعىواللى اسمة العلمى كبريتات كالسيوم

نضيفة ازاى هنعمل خطوط فى الارض ونضيف الجبس فى باطن هذة الخطوط ثم بعد كدة نقوم بعملية الغسيل

نضيف اد اية جبس اقول لك مش الاول نعرف انتى عندك اد اية صوديوم على معقد التبادل اللى احنا اقلنل عليها فوق مظبوطespوتعرف النسبة دى من التحليل المعملى الارض بتعتك

كدة يبقى ناقص المعادلة بتاعة الحساب

وهى نسبة espقبل الاستصلاح ناقص نسبة esp المرادة واللى هى بتبقى اقل من 15 على 100مضروبة cec وللىهى السعة التبادلية الكاتيونية ودى هتعرفها من التحليل بردة الناتج تخدة تضربة فى 086هتعطيك الكمية الجبس بالطن للفدان وخد بالك لازما تضيف 25%احتياطى وتضرب الكمية الكلية فى درجة نقاوة الجبس

نسبة الجبس دى كافية لاستصلاح طبقة بعمق 15سم

ارجو ان اكون قد ساهمت ولو بقدر بسيط فى فهمكم لهذة العملية

الله ينور ..................ايه الحلاوه دي